Fai mai se tasi o fomai ole alu ese ma le atunuu ma toe foi mai na pau lea o le auala mo ia e agavaa ai mo le visa fou a le malo e mafai ai ona nofomau ile atunuu.
O nisi o tagata faigaluega tau le soifua maloloina i falemai ma nofoaga mo tagata matutua o loo aofia ai i le lisi o tagata e le aofia o latou visa i lalo o aiaiga e agavaa ai mo le tusa ma le to’a 165,000 o tagata nofomau i Niu Sila ile tausaga fou.
O tagata faigaluega e taunuu i le border poo le tuaoi mai le va o le taimi lenei ma Iulai o le tausaga fou o le a agavaa i le visa lea e vave ai ona maua nofomau ma ua faaosofia ai nisi e silasila ile tulaga lea, o le agai ese ma miusila ma toe foi atu ina ia agavaa ai.
Ose fomai e 28 tausaga e le fia faailoaina lona suafa mai Peretania na malaga mai i Niu Sila i le 2019 faigaluega o se fomai i le emergency department peitai e le agavaa i le visa fou lea i le tulaga o loo iai nei lona visa faigaluega Essential skills visa mo fomai mai fafo.
Lea ua manatu ai nao le pau lea o le tulaga e mafai ai ona agavaa mo le visa o le agai ese ma niusila ona toe foi atu lea i se isi visa ese mai.
