temporary housing
Photo: Hawkins

Manaomia le faaleleia o tulaga o fale mo tagata Pasefika

O se aiga Samoa e toa 15 o loo aumau I se fale e fa potumoe o le Kainga Ora, le (NZ State housing agency) ma ua lipotia ile RNZ Pacific I le aso ua aafia ini tulaga ogaoga tau le soifua maloloina ona o tulaga o loo aumau ai I lea nofoaga.

Mai lea lipoti o loo taua ai le lipoti mai le Auckland Wide Healthy Homes Initiative e faapea o le tina ma nisi o le fanau e toalua ua aafia I le fiva rumatika ona o tulaga o loo soifua ai I lea fale. Sa ile falemai le tina ma iai se faaletonu I lona fatu.

O le finagalo faaalia o le faauluuluga ole National Hauora Coalition o Rachel Brown e tatau ona mafai ona co design pe fesoasoani foi tagata o loo aumau I fale ia ile faatulagana o ata o le fale mae e le nao se fuafuaga tau le malo ae tatau foi ona o latou silafia manaoga o tagata o loo aumau ai I fale.

O loo taua foi I le lipoti le fonotaga a le minisita lagolago o le Soifua Maloloina, Aupito William Sio ma le au matutua I Otara e faatalanoa le fesoasoani mai le Paketi poole tala o le tupe lea o le a tuuina e fesoasoani ai I fale mo tagata pasefika. O le vaegatupe e 41.3 miliona.

Faaalia ai foi finagalo o nisi o tamalii Samoa o loo iai I auaunaga faapea I totonu o le atunuu I le mataupu lava lenei mae o le tele o ia finagalo e agai lava I le manaomia tele o ni fale lelei mo tagata pasefika aemaise ua siitia pea le totogi e mautotogi ai ae foliga foi e le o se mataupu faigofie ona fofo.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required