O loo manao le Pulenuu o Aukilani, Wayne Brown e aveese sui o le komiti faafoe a le Auckland Transport o loo iai nei, ma o se suiga ina ia malosi ai le pule e sau mai le Pulenuu ma le puleganuu.
O se suiga faaofi tele lea mo faalapotopotoga nei e ta’ua o Council-Controlled Organisations lea na amata mai i le toafitu i le tausaga e 2010, sau ai i le 2020 ua toe lima mulimuli ai 4 ina ua tuufaatasi le isi lua ma maua ai le Auckland Unlimited.
O loo iai ma le Auckland Transport i totonu, ma i le finagalo o le pulenuu e tele suiga ma mataupu e fia malamalama iai peitai e lē o manino ma o le mea moni o le sui o le pulega.
E oo lava foi i aseta a le puleganuu e tele lea o loo i lalo o le Auckland Transport ma o loo goto ai le ‘afa o le paketi, peitai e lē o tele se leo o le puleganuu.
O le suiga o loo manao iai le Pulenuu e na te moomia ai le lagolago a Councillors faapea le tatau ona suia o le tulafono ma o le tulafono foi e na te moomia ai le fesoasoani a le Minisita ia Simeon Brown.
Ua lipotia o lea ua uma ona valaau le Pulenuu i le Minisita.
Talu lava ona tulai mai Brown i le tofiga Pulenuu o le Auckland Transport lava lea e fai ma faasagasaga iai, lea lava foi o loo iai le va i le taimi nei ona o aiaiga ua filifilia ai Dean Kimpton o le Pule Sili o le Auckland Transport.
Puna o Faamatalaga: Mayor Wayne Brown’s plan to dethrone Auckland Transport in council-controlled organisation shake-up – NZ Herald
