Ua saunoa le minisita o le va i fafo a Niu Sila o le Sui Palemia foi, Winston Peters o loo mananao le malo e toe faaauau ma faafou le fuafuaga ua faaigoa o le Pacific Reset Strategy.
Sa faia le feiloaiga a Peters ma le taitai o Fiti ma Tuvalu i Suva faapea foi ma le failautusi o le Pacific Islands Forum.
Fai mai Peters o loo manao le malo ia toe faafou le strategy lea mai le 2018.
Na saunoa foi Peters o Niu Sila o loo faamautuina se sootaga umi ma sili ona lelei ma atumotu o le Pasefika ma o le Pasefika foi o se vaega e filemu ma sologamalie ma o le tāua ia o le silafia e soo se atunuu e agai atu i le Pasefika ona faaaloalogia ma malamalama i mea aupito tāua o loo faavae ai pulega a le Pasefika.
