O le lipoti i le asō mai le RNZ Pacific ua ta’ua ai se finagalo faaalia o le komesina fou o leoleo i Samoa Auapaau Logoitino Filipo ina ia faatūina se totino fou e feagai ma faaseā faasaga i leoleo.
O loo ta’ua i le lipoti a le televise tasi se famatalaga a le komesina o faapea i le taimi nei o loo feagai ma le police professional standards tribunal lea e agai iai nisi o faaseā a tagata lautele faapea e faaitu’au. Faaalia e le komesina e iai lava foi masaloga o nisi e faapea e faaitu’au leoleo pe a faia suesuega.
Ua 24 tausaga o le auaunaga a le komesina i le matagaluega o leoleo ma e tofia nei i le tofi komesina toeitiiti atoa le tausaga talu ona faamavae le komesina talu ai Fuiavailili Egon Keil.
