E oo mai i le taimi nei ua lipotia o loo tau mafaufau pea si ulugalii mai Aukilani ua faamanuiaina i le 12 miliona Niu Sila mai le taaloga o le Lotto poo ā nisi fuafuaga o le a faaaogā ai lea vaegatupe tele.
Ua lipotia e le televise tasi o le Lotto mulimuli o le tausaga talu ai 2023 i le aso 30 o Tesema na malo ai le pepa a le ulugalii ae lei leva nei ona faatoa siaki e le tina le pepa ma iloa ai o laua ua malo.
O le faailoga atoa e 12.2 miliona ma na molimau le tina e lei talitonu ua malo ae ina ua maua atu le valaau mai le ofisa o le Lotto NZ o inā na faatoa faamautuina ai o laua ua faamanuiaina.
Faamatala e le tina o le taimi nei ua iai le fuafuaga e inivesi le tupe mo se fale ma le lumanai ma fia fesoasoani foi i lo latou aiga ma faaaogā tatau i mea e aogā.
