Ua logo le lalolagi i faasalalauga i le asō ua agiga ai le maliu o le tamaitai pese poo le tagata faafiafia foi o Tina Turner ua lausilafia i le lalolagi.

Tele alofaaga ma faamaisega ua faailoa i luga o upega tafailagi ma faasalalauga i le asō agai i le aiga o le tamaitai pese Amerika ua silia ma le 60 tausaga o lana taleni faafiafia.

E tele pese a lea tamaitai e iloa tele ma pepese ai tagata ma ua faaleo ai foi ma alofaaga mai nisi iloga i le musika i le lalolagi, nisi sa o latou galulue faatasi ma avea foi ma ana paaga i faafiafiaga.

O finagalo faaalia ua taatele ai faamatalaga o ia o se tamaitai uiga mālie, loto fesoasoani ma lima foai.

Na ta’ua i lipoti na maliu le tamaitai pese i lona fale i Switzerland ma ua 83 tausaga o lona soifua.

O isi lipoti ua ta’ua ai o le kanesa sa aafia ai le tamaitai pese.