Maliu se alii i se faalavelave tau taavale i Vailele

O le faaiuga o le vaiaso na uma ai le ola o se alii i Vailele ina ua fetoai lana taavale ma le pasimā.

I ripoti a ofisa faasalalau na taua ai o le faalavelave na tulai mai i le afiafi o le Aso Toonai i le itula e 10 ma e leai seisi taavale na aafia ai nao le taavale a lē ua maliu.

Na ripotia foi e faapea na taunuu atu le ofisa o Fuimu ma faalavelave faafuasei i le nofoaga na tulai ai le faalavelave. Mulimuli ane na uma ai lava le ola o lea taulealea ona o le tugā o ona manuaga.

O le ua maliu o se alii mai Sapapalii Savaii ae sa faamautu i Vailele ma lona toalua, taua e aiga o lea alii o le agai atu o ia i lona aiga i lea po ina ua maea se faaipoipoga sa auai atu iai ae tulai ai loa ma le faalavelave.

I mataupu lava o faalavelave tau taavale o loo galulue pea leoleo e saili le ave taavale na uma ai le ola o se alii talavou 19 tausaga i Vaitele Tuuau Faasavalu lea na so’a e se taavale i le Aso 21 o Aperila ma maliu ai lava.

LAUILOA

Keep uptodate with Radio Samoa activity & promotion

* indicates required