Search
Photo: Samoa Global

Maliu se alii A’oa’o Malua i se faalavelave tau taavale

Ua faatuputupu laia pea le tulai mai o faalavelave tau taavale ma fano ai ola o le toatele i le atunuu.

O le vaveao o le Aso Toonai 21 o Aukuso na tulai mai ai se faalavelave tau taavale matuiā i Taufusi lea na uma ai le ola o se Alii A’oa’o Malua ia Nili Faauma Aloi.

O lenei faalavelave na tali atu iai le auaunaga a le Pulega o Tineimu ma faalavelave faafuasei peitai e le’i taunuu Nili i le falemai i Motootua ae uma lona ola.

O nisi o ata na tuu e le mamalu o le atunuu i luga o le initaneti (Facebook) na matauina ai le telē o le aafiaga o le taavale ma na taua e le Komesina o Tineimu Tanuvasa Perone Mauga e toalua tagata na aafia i le faalavelave, o le isi lea na tūgā ona manuaga ma na tuu atu i alii  ma tamaitai fomai mo togafitiga.

Faaalia le faanoanoa o aiga ma uo a le alii a’oa’o ona o lea faalavelave ma e le gata i lea ae o tamaiti aoga o le Kolisi o Maluafou na faailoa foi lo latou valevale alofa ia Nili auā o se Alii faiaoga foi o lea kolisi.

E le’o mautinoa mai le mafuaaga o lenei faalavelave tau taavale ua fano ai le ola o le alii  A’oa’o.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required