E iai le tamaititi aoga ua maliu i le aoga i Aukilani i Saute i le asō e pei ona lipotia e le One News. O ni faamatalaga o loo tusia i luga o le itulau o le facebook a le Kia Aroha College lea o loo faamaonia ai lea tulaga ma faailoa ai ua toe faafoi tamaiti aoga i le fale ma ua tapunia le aoga i le taimi nei.
O loo ta’ua foi i le lipoti le iai o leoleo i le aoga i Clover Park ae lē o ta’ua le iai o ni tulaga o masalomia ai se tasi i lea mataupu. Poo le te’a o le ‘afa o le 11 I le taeao analeila na vaaia ai tusitusiga ia i le page a le kolisi ma le faamatalaga o le a toe faailoa nisi tulaga e tusa ai o le mataupu i se taimi.
O loo faatalia foi se lipoti a leoleo i le atoaga o le mataupu ma le mafuaaga o le maliu o sia tamaititi ma tālia foi faamaoniga uma o nisi faamatalaga e tusa o lea mataupu.
