Ua sosoo nei masina e tolu o ma’uma’u soifua o alo o le atunuu o loo Malaga mai e saili manuia I galuega faavaitaimi I NZ nei
O le aso ananafi na tulai mai ai se isi foi faalavelave tautaavale na uma ai le soifua o se tama ina ua fetoai la latou van ma se loli I luga o le state highway 5 latalata I Tarawera
O le tama ua maliu, na uma ai lava lona soifua I tafa-ala o le nofoaga na tulai mai ai lenei faalavelave matuia
Tusa ma ripoti a leoleo, ese mai I le ua maliu, toa10 isi alii o le latou kulupu sa I totonu uma o le van o loo faamanualia
Ua le taunuu ai le faamoemoega na Malaga mai ai mai Hastings le latou van agai I Taupo mo sa latou tafaoga, ma o le ua maliu e tusa ma ripoti a leoleo sa nonofo faatasi mai I luma ma le avetaavale.
