Search
Photo: NZ Herald

Maliu le faiaoga o le First XV a St Patrick’s College i Ueligitone

Ua faalogoina e faiaoga ma tamaiti aoga o le aoga a St Patrick’s College i Ueligitone le tala faanoanoa i le maliu ai o se tasi e tāua lona sao i le aoga, le faiaoga a le aulakapi First XV a le aoga, le susuga ia Willie Leota.

Ua lipotia i le NZ Herald o le kolisi aupito umi lea ona iai i le atunuu a le Ekalesia Katoliko e mo na o le itupa o alii ma o si alii faiaoga, e 46 tausaga o le soifuaga ua leva le mafutaga ma St Pats ma o se tama tuai foi o le aoga.

Sa saunoa le sooupu a le kolisi i le lipoti a le Herald ua maitauina le tele o faanoanoaga ma i latou ua mafatia ina ua maua le tala faanoanoa.

E lē o faalauiloaina faalauaitele le mafuaaga o le maliu ma ua saunoa le sooupu o se tala ua faate’ia ai aemaise nai tamaiti o le ‘au o loo malaga mo tuuaga ae faalogo mai i le tala faanoanoa.

Na molimau nisi i le lipoti i le sao tāua o Leota i le aoga ma ua faaoo faamaisega ma alofaaga a tagata i si ona aiga.

Puna o Faamatalaga: https://www.nzherald.co.nz/talanoa/students-and-staff-at-top-wellington-school-mourn-sudden-loss-of-popular-first-xv-coach/OCZMSVZJOJFXVFF3VFWNXS6QXY

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required