E 69 tausaga le matua o le soifua o se tagata ua lipotia mai ua maliu ina ua maea se faalavelave na tulai mai i lona fale i Magele.O le vaega o fesoasoani faavavave na valaau ane i le fale lea i Mangere i Sasae i le taeao ananafi ma maua atu ai se alii o loo manua tigaina pei ona faamaonia mai e le sooupu a leoleo.
Na auina atu ile falemai i Middlemore mo togafitiga peitai na maliu lava mai ona manuaga ile po anapo. Ua taua ua molia nei se alii e 58 tausaga i moliaga o le faaoolima faamoemoeina ma o le a tulai ile faamasinoga i Manukau i le aso.
O le suesuega o loo faagasolo ile taimi nei ma o loo taua e leoleo e ono iai nisi moliaga faaopoopo e faia ile mataupu lenei ae ua faamaonia mai e leoleo e leai seisi tagata o sailia i lenei faalavelave.
