Pe ā ma le 30 tausaga o si tagata faigaluega ua maliu i se faalavelave na tupu i le galuega i le faaitu o Clevedon i Aukilani. Ta’ua e leoleo o le faalavelave na tupu i le nofoaga o le galuega i Creighton’s Road. 

Ta’ua mai le lipoti na agai ane le taavale a le St John ma taavale e tolu a le falemai i le nofoaga lea poo le lata i le 9 i le taeao analeila. Ua logoina le Worksafe i le faalavelave ma e manatu leoleo o le a tuuina le mataupu lenei mo su’esu’ega ma e lē taumate o le a su’esu’eina foi e le coroner.  

E lē o avanoa mai ni faamatalaga i le mafuaaga tonu o le faalavelave ae o loo faagasolo lea su’esu’ega.