Ua lipotia mai i le One News le maliu o se alii a o taofia ai i le falepuipui i Spring Hill i Waikato. Ua faamaonia mai lea tulaga e le faatonu o le falepuipui, Scott Walker.
Fai mai se faamatalaga o le taeao analeila na maliu ai lea tagata e ui sa faia iai fesoasoani muamua peitai e le’i manuia taumafaiga e laveaiina ai o ia. Ua faailoa i le lipoti e ui e lē o masalomia le maliu o lea tagata peitai o le a faia pea le su’esu’ega e le coroner ma sui o le falepuipui.
Ta’ua foi o soo se tasi e maliu I lalo o le vaaiga a le falepuipui e tuuina uma i le coroner mo su’esu’ega. Ua logoina e leoleo si ona aiga ae leai nisi faamatalaga o faamatuu mai i le taimi nei i le mafuaaga o le maliu ae pe faapefea ona iai i lea nofoaga.
