Maliliu se auso ile faalavelave tau taavale i Abbotsbury

O tala aupito I lata mai mai Ausetalia ua faailoa ai o alii e toalua na lipotia atu ananafi  I a tatou lipoti na maliliu I le faalavelave tau taavale I le itu I sisifo o Sini, o se auso. Na maliliu I le faalavelave o loo lipotia sa fai ane ai tuligataavale.

E 37 tausaga ose molimau mai Edmondson Park na ia faaalia na fafagu lo latou fale poo le ta o le 4 I le vaveao o le aso sa ina ua gaoia e le au alii ia e toalua lana taavale ole Holden Commodore, o loo taua I lipoti na tuli atu e le tamā lea lana taavale ae ina ua oo atu le tuliga I le fetaulaiga ala I Abobotsbury, na fetoai ai le taavale ma se pou ma maliliu ai lava le auso lea. O leisi e 17 tausaga sa iai faatasi ma le auso lea, ua faailoa o loo taofia I le falemai. Ole mau a leoleo I Niu Sau Uelese, o se tasi lenei o faalavelave matuia tele aemaise lava mo I latou o le vaega o le fesoasoani muamua e muai taunuu I nofoaga faapea. O loo faia pea suesuega

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required