E toalima tagata na maliliu e mafua mai ina ua sa’e le vaa a o iai i gatai o Goose Bay i Kaikoura.
E 11 i latou sa i luga o lea vaa, ma e toaono na faasaoina ae o le toalima na maliliu ai lava i le taeao o le Aso Toonai.
Ae i molimau a i latou na vaaia le vaa ua mafuli, o lea sa malu le sami ma e leai ma se mea e ono fetoai ai e ono mafua ai ona sa’e, seia vagana ai le tafola.
O masalosaloga ua iai nei na fua i molimau a i latou na vaaia, o le tafola lea na ono mafua ai ona mafuli le vaa.
O le toasefulu sa iai i luga o lea vaa o sui o le Nature Photography Society of New Zealand faatasi ai ma le kapeteni o le vaa.
