Maliliu le 62 ina ua pau le Sriwijaya Air I le sami

E na o le 4 minute talu ona I luga o le ea le faigamalaga Boeing 737 a le Sriwijaya Air, ae leiloa, mulimuli ane pau I le sami

62 I latou na malaga i lea faigamalaga faamoemoe e tuua le taulaga o Indonesia, Jakarta agai atu I matu I Pontianak, tusa lea o le afa o le lua I le aoauli o le Aso Toonai taimi Niu Sila, ma I ripoti o lea vaalele na pau 10,000 futu I lalo mai o le 60 sekone

O lea faigamalaga na faatuai ona tuua Jakarta pe a ma le itula, ma ua saunoa le peresetene o le kamupani vaalele a lle Sriwijaya Air, o le faaletonu o le tau lea na mafua ai, ae na lelei atoatoa le va’a ua 26 tausaga, ma o lea foi na lele I isi taulaga I totonu lava o Indonesia I le aso lava lea e tasi

O le faigamalaga ua le oo, e na o le 90 minute na faamoemoe e lele ai

Faamaonia mai I tala mai atunuu mamao, o le pasese 62 sa I luga o le vaalele o tagata Indonesia uma, 50 le pasese aofia ai fanau toafitu ma pepe e toatolu ae 12 le aufaigaluega Tuufaatasia tala o le taeao, e le o mautinoa le mafuaaga ma o loo faaauau suesuega I lenei faalavelave

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required