Ua tuua le atunuu e le ta’ita’i o le malo le afioga i le Tamaitai Palemia Fiame Naomi Mata’afa, mo lana malaga muamua faalemalo i ni fonotaga i fafo, talu ona avea o ia ma Palemia ma ta’ita’i o le faigamalo a le Faatuatua i le Atua Samoa ua Tasi, lea na faato’ā see i le pulega o le Malo i le faai’uga o Iulai o le tausaga na te’a nei i le tuanai o le palota tele ia Aperila.

E lei maua mai se faamatalaga aloaia mai le Malo i le polokalame o le malaga faalemalo a le tamaitai Palemia ma lana aumalaga na tuua Samoa i le Aso Sa muamua o Iuni, ae ua faailoa mai e se molimau e malaga i Aukilani i Niu Sila ona faaauau lea mo Fiti, a mae’a ona faaauau atu lea i le fono a Ta’ita’i o Malo o le Taupulega a Peretania e usuia i le atunuu o Rwanda i le Konitineta tele o Aferika.

O lea fonotaga e tauaofia mai le aso 20 i le aso 25 o le masina nei o Iuni.