O le tausaga muamua lenei o avanoa sikolasipi ua ofoina e le Malo o Niu Sila mo atumotu o le Pasefika e tauala atu taumafaiga mo le toe faia o se leleiga talu ai osofaiga sa faia i vaveao i le 50 tausaga talu ai lea na sailia ai e le malo o Niu Sila tagata ua ova aso i le atunuu, o le toatele o i latou e mai le Pasefika. 

O ia osofaiga poo dawn raids na faamuta i le 1979 peitai o le 2021 na faatino aloaia ai le faatoesega a le tamaitai Palemia o Niu Sila i lea taimi Jacinda Ardern i le komiuniti a le Pasefika i le Auckland Town Hall.

O le mae’a o lea faatoesega na amata faatulaga mai ai loa isi taumafaiga ia a le malo e aofia ai ma avanoa sikolasipi ua ofoina faatasi ai ma le saunia o resources e aoao ai tamaiti i aoga e uiga i ia osofaiga ae 1.3 miliona tala Amerika ua faaagaga mo avanoa sikolasipi ia mo le Pasefika.

O le tausaga la lenei e 28 talavou mai le Pasefika ua filifilia i le He Manawa Titi Scholarship prog e pei ona lipotia e le RNZ.

O i latou e aofia ai sui mai Fiti, Samoa, Tonga ma Tuvalu, e i le va o e 25-35 tausaga le matutua ma e silia laititi ma le lua masina o loo iai i Niu Sila nei ma le naunautaiag e faalautele le tomai faataitai e fesoasoani ai i o latou tiute faatino i o latou lava atunuu.