O le vaiaso fou lea ua faailoa mai o le a malaga aloaia mai ai le Palemia o Ausetalia i Niu Sila.
O le uluai malaga mai lea a Anthony Albanese i Niu Sila talu ona tulai mai e avea ma Palemia o Ausetalia.
O se uo mafanafana e tusa ma faamatalaga a le Palemia o Niu Sila Chris Hipkins, ma o le oo mai ai o Albanese o le a fiafia faatasi ai taitai e lua i Ueligitone i le Ipu o le lalolagi a le FIFA i le itupa o tamaitai lea ua amata i le aso.
E ese mai i taaloga, ae o se avanoa foi ua fai mai Hipkins o le a ia faafetaia aloaia ai Albanese i le suiga ua faafaigofie ai nei ona saofaga tagata Kiwi o loo nonofo i Ausetalia i avanoa sitiseni.
O le Aso Lulu i le Aso Tofi o le vaiaso fou o le a iai Albanese i Niu Sila nei.
