Ua tapena le malaga a le Palemia ia Christopher Luxon e alu i Vietnam i le vaiaso fou.
O le malaga lona lua lenei a le Palemia i lenei tausaga, ma o le a o faatasi ai ma faauluulu o pisinisi a o ave ai le taula’iga i le tamaoaiga o le atunuu.
O Vietnam o lea o loo alualu pea i luma lona tamaoaiga i Saute i Sasae o Asia ma o se tasi o atunuu ua saoasaoa le aga’i i luma.
O fefaataua’iga foi i le va o Niu Sila ma Vietnam o lea ua faamauina le alu i luga i le 40% i totonu o le 5 tausaga ma o se maketi telē mo a’oga faavaomalo, mea’ai faapea le maketi mo ‘ava malosi.
O le malaga lenei na iai le fuafuaga e muamua feiloa’i ma le Peresetene o Indonesia a o le’i alu Luxon i Vietnam, peitai ua lē avanoa mai le Peresetene o Indonesia.
Puna o Faamatalaga: Christopher Luxon to travel to Vietnam for trip focused on economic growth | RNZ News
