O le toe tatala o tuaoi faavaomalo o Samoa ma faaauau ai malaga masani mai lo tatou atunuu e agai atu i soo se tulu’iga o le kelope, ua mafai ai ona maua le laolao e malaga ai le ta’ita’ifono ma sui o le pati faaupufai o le Faatuatua i le Atua Samoa ua Tasi, e feiloa’i ma le ‘au lagolago o le latou vaega faaupufai i Amerika, e pei ona sa faatino le feiloa’iga muamua ma le paia maualuga o Samoa i le aai o Carson i Los Angeles ma fetaui lelei ma le faailogaina o le Fu’a a Samoa i lea vaega o le Iunaite Setete.
O le Aso Toonai na tatala ai sauniga o le Fu’a a Samoa ma faafesagai ai segaula ma feofoofota’i ma sii le faafetai ua feiloa’i i le manuia.
Le ta’ita’ifono o le Faatuatua i le Atua Samoa ua Tasi le afioga i le Minisita o Faato’aga ma Faigafaiva susuga Laauli Leuatea Polataivao Fosi Schmidt.
