E toatolu tagata ua aafia i Ausetalia i Saute i le mpox lea sa faaigoa muamua o le monkeypox.
O le soifua maloloina i Ausetalia i Saute na o latou faamaonia mai ia faamatalaga e pei ona lipotia, o se alii pe ā ma le 20 tausaga le matua, o se isi alii pe 30 tausaga ma le isi alii e 50 tausaga le matua o loo aafia uma i latou ia.
O le mpox e ono faaumiumi ona aafia ai le tagata ma ua iai foi tagata ua manaomia ona ave i le falemai mo togafitiga ma ogaoga foi aafiaga.
E masani ona faaigoa i le tatou gagana o le tanesusu pe tau lalata foi i lea gasegase ae ua unaia tagata ia faia tuipuipui, e lē faigofie ona pepesi i le va o tagata ma o le fautuaga afai e manatu o loo aafia i le mpox e lelei ona vaai vave loa se fomai.
O le toatolu lea ua aafia o uluai tagata ia ua aafia i le mpox i South Australia talu mai le 2022.
Puna o Faamatalaga: https://www.9news.com.au/national/mpox-three-cases-of-virus-in-south-australia-health-news/eba4b8f6-6887-4cfb-96c4-c2434a90a8e4
