Australian Police

Mafatia si tama ina ua maua si ona afafine 2 tausaga ua maliu

Lagona o le mafatia sa faaleo e se tasi o tama mai Kuiniselani ina ua faatalanoa e le au tusitala e uiga I le uma o le ola o si ona afafine e nao le lua tausaga le matua na tau sailia mai le aso ananafi.

 O le teineititi  o Ruby Gulliver sa tau sailia mai lo latou fale I Tara I Western Downs I Kuiniselni talu ona amata tau sailia mai I le afa o le tolu I le aoauli ananafi. Tagi tautala a si tama na ia taua ai si ona afafine mata ataata ma e matele ina fiafia.

Na mulimuli vaaia o taalo I le taifau a le aiga, na valaau a le tina leoleo ma faia ai loa se suesuega faaaoga ai foi ma taifau a leoleo. O nai aiga tuaoi foi sa fautuaina ina ia siaki o latou fale ma vaipanoa lalata ane.

O le tea o le tasi I le vaveao analeila na faamaonia ai le maua o lona tino ise faatanoa lata ane I le fale pei ona faailoa e le ala ata 7.

E leai se tasi o masalomia I lenei faalavelave ae o le a faailoa mai e leoleo nisi faamatalaga auiliili I le aso. O le taulaga o Tara e iai pe a ma le 280 km I le itu I sisifo o Brisbane

Keep uptodate with Radio Samoa activity & promotion

* indicates required