Ua tapena le falemai I Middlemore I Aukilani mo le Omicron

O Middlemore o le falemai lea na tele ina maua ai cases o le Delta I Aukilani ao iai le lockdown faatoa uma atu, ma ao moli lanu mumu ai le atunuu atoa ma talia pea se tala I le mamao ua oo atu iai le pepesi o le Omicron, ua toe talosaga mai Middlremore I tagata uma ia usitaia tulafono mai le soifua maloloina

I se asiasiga a le 1News I totonu o le ICU  a le falemai o loo togafitia ai le toatele o cases a Niu Sila, o lea ua tele suiga ua iai potu ua maea vaevaeina, o le ea atoa ai ma videophones e fetufaa’i ai ma ma’i, o lona uiga o le a le moomia le toatele o le aufaigaluega e ulufale I potu taofia nei

Ua sau ai foi ma le tala o tagata uma foi o le a asia le falemai ma o loo maua I auga o le fulu ae le ma’I tigaina, o le a toe faafoi I le fale e faanofoesea ai ma mataitu auga

E le o taofia ai le vaaia o gasegase o loo moomia vave togafitiga ona o le fatu faapea tina maitaga

O tapenaga nei a Middlemore, ua toe faamanatu mai ai foi ua tatau I tagata uma ona tapena I sapalai e moomia vave e iai fualaau mo le ulu tiga, mea taumafa, mautinoa ua iai se isi e faia faatau pe a moomia le faanofoesea, atoa ai ma fuafuaga e faanofoesa   le tagata o le aiga I le fale mo le 14 aso pe afai ae maua I le Omicron

Maua e tala fou o le tele o supamaketi faapea talavai o lea ua tele ina leai ni panadols ma ibuprofen talu mai na sau le faasilasilaga I le Aso Sa e tapena