O loo mafanafana leoleo e mafai ona uma tui o le aufaigaluega e le i aloaia le aso e faagata ai tuiga mo le matagaluega
O le Aso Faraile o le vaiaso talu ai na sau ai le faasilasilaga e moomia le tatau ona faia tui o leoleo faapea i latou o loo i le militeli ao agai atu ai i le traffic light system
O se poloaiga o le a aafia ai sui o le ofisa ua maea faatauto, o i latou o loo galulue faavaitaimi faapea le loaloa o le ofisa i ona tulaga eseese aofia ai ma i latou o loo i le ami
I tala o le faaiuga o le vaiaso faailoa mai ai e le komesina o leoleo, Andrew Coster mai le tusa ma le 11,000 le aufaigaluega e tusa ma le 900 e le i faia tui
O lea aofaiga o loo aofia ai ma i latou e ese finagalo I le tui, ao nisi o loo faatali i isi vailaau
O le aso 17 o Ianuari lea ua faatulaga e tatau ona oo atu iai ua uma tui muamua, ao le aso muamua o Mati e tatau ona oo atu iai ua uma tui lona lua
I le tele o lea fuainumera e le i faia tui, taua e le komesina o loo taumafai lava i le mafai e faatalanoa ma faamalamalama lea auaunaga faapea le tui ona e le o iai se manao e faamaamulu se vaega o le aufaigaluega ona o lea poloaiga.
