O le Matagaluega o Galuega Tetele ma le Pulega o Felauaiga i le Laueleele sa faafoeina le iloiloga ma auiliiliga i nisi o poloketi e aofia ai ma le poloketi ua ta’ua o le Samoa Climate Resilient Project.
I faamatalaga sa faasalalauina e le Matagaluega o Tupe i upega tafailagi, o le tau aofai o lenei poloketi e $35.75miliona Tala Amerika ma o loo faatupeina e le Faletupe o le Lalolagi mai ia Tesema o le 2018-Tesema 2025.
O le faamoemoe o lenei poloketi o le toe faaleleia lea o le auala i le itu i Sisifo mai Malua i Faleolo, o le toe fausiaina o alalaupapa i Afega ma Lano aemaise ai se suesuega talafeagai mo le Alafaalava.
E mai nei galuega tetele o loo i se tulaga e faamalieina ai vaega uma ina ua mae’a le iloiloga ma na aofia ai ma asiasiga i nofoaga o loo faatino ai nei galuega ma faatalatalanoaga.
O loo agai pea i luma le faatinoina o nei galuega i le vaega i le auala i le itu i Sisifo, o galuega faaauau ma auaunaga o loo faagasolo pea mo lenei poloketi.
O nei iloiloga e faafoeina faalua i le tausaga e Matagaluega o loo fitoitonu ai nei poloketi faatasi ai ma ana paaga ina ia mataituina pea le faatinoga o nei atinae ma faailo foi ni faafitauli a o faatino ai nei galuega tetele.
