Fai mai sa tulaga lelei talanoaga i le va o le sui o Amerika, Steve Witkoff ma le Peresetene o Lusia, Vladimir Putin peita’i e tele lava mea o loo fia faatino.
O le faamatalaga lea na tuuina ane e se faufautua sa auai i le fonotaga aga’i i le BBC ua faailoa ai e le’i iai se maliega autasi ua taunuu iai le talanoaga e faatatau i teritori o Ukraine o loo finauina e Lusia.
Pe ā ma le 5 itula o le fonotaga lea na faia i Moscow sa faailoa ai e Putin e na te lē taliaina le peace plan mai le Atu Europa ma ia ta’ua ai o latou e lē fia tau ma Europa ae afai e fia tau Europa, ua sauni foi iai i le taimi nei.
O loo lipotia le faaauau pea o le taua i le laueleele aemaise i le itu i Sasa’e o le aai o Pokrovsk lea na folafola e le Kremlin ua o latou mauaina lea faaitu.
O loo talitali nei la le to’atele poo le ā le isi laasaga o le a iai nei feutana’iga mo le sa’ilia o le filemu mo Ukraine ma le nofo lelei o lea itu o le lalolagi.
Puna o Faamatalaga: https://www.bbc.com/news/articles/cwyv0ex7v8ro
