Na lūlū se mafui’e e 3.2 le malosi i le fua mafui’e i Niu Sau Uelese i le taeao analeila ma sa faalogoina i faaitu e pei o Barraba, e lata i Armidale i le te’a laitiiti o le 3 i le vaveao e pei ona faamaonia mai e le Geoscience Australia.
O lona malosi e 3.2 i le fua mafui’e ma le loloto pe ā ma le 10km.
Na faailoa foi e le Australian Climate Service pe ā ma le 100 mafui’e o le ituaiga malosi lea e faamauina i le atunuu i tausaga ta’itasi.
E lē o iai ni lipoti o ni mea na faaleagaina poo se lapata’iga foi mo se tsunami.
Puna o Faamatalaga: https://www.9news.com.au/national/earthquake-northern-nsw-barraba/cdf0dade-8e23-4acd-b424-8ee8113c2211
