O le taaloga o le pii poo le wrestling o se tasi lea o taaloga o loo masii ai ‘au a Samoa i tausinioga faavaomalo aemaise foi o taaloga a le Pasefika.
O lea ua iai se tagata lelei i lea taaloga mai le atunuu o Iapani o le a fesoasoani i le a’oa’oina o lea taaloga mo alo ma fanau a le atunuu o loo taaalo ai.
O le alii o Yuta Abe mai Iapani o le a galue fesoasoani mo le faaleleia o le taaloga pii mo le umi e lua tausaga.
O ia o se tasi o tagata galue fua poo se volunteer i le polokalame a Iapani e faaigoaina o le JICA.
E 20 tausaga o taalo Yuta Abe i le taaloga pii i lona atunuu ma e tele foi ni tulaga maualuluga sa ia ausia.
Sa ia afea le ofisa o lona Malo i Apia ma feiloai atu ai i le Amepasa o Iapani mo Samoa le susuga Ambassador Senta.
