E lē taumate e faigata ona faaitiitia le laina o taavale i se tasi o pamu penisini i Melepone i le asō lea o le a faapa’ū ai le tau o le penisini i le na o le 99 sene i le lita mo le lua itula.

Ua lipotia e le 7News o le Metro Petroleum i Mahoneys Rd i Thomastown i le itu i Matu o Melepone na faatautaia ai lea faapitoa i le asō ma e lua itula e mafai ai ona utu penisini, kiso ma le kesi mai le tā o le 3 agai i le 5 i le afiafi o le asō.

Fai mai sa ofoina foi i Sini le faapitoa lea i le vaiaso talu ai i le pamu a le kamupani lava lea i Punchbowl ma Figtree i NSW ae o lea la ua faatino i Melepone i le asō.

A mae’a le lua itula ona toe foi lea o le tau o le penisini i le tau masani ua silia ma le 2 tala i le lita i le penisini 91.

Puna o Faamatalaga: https://7news.com.au/news/motorists-expected-to-queue-for-99c-per-litre-fuel-at-next-metro-petroleum-sale-in-thomastown-melbourne-c-14900962