E ui ua aveesea lapataiga o timuga mamafa ma Taranaki, peitai o loo mataitu pea e le ofisa o le vaaitau

O le aoauli ananafi seia oo I le po anapo lea na tele ina pau ai timuga mamafa ma lolovaia ai nofoaga I saute o le North Island

Tuufaatasia tala o le taeao o loo tumau pea lapataiga mo tagata New Plymouth mai le council e aua ne’I asia matafaga faapea ai ma le tele o alavai ona o lea ua filogia ma otaota ina ua pa alavai o loo faaaluina ai otaota mai fale o aiga ma pisinisi, ma e faatoa toe tatala I le aso 23 o le masina fou

I se otootoga o vaega o NZ na mafuli iai uiga louloua o le tau ananafi, ripotia le mamafa o timuga I Taranaki ma lolovaia ai le tele vaega

Faaleagaina le tele o uaea eletise ona o se asiosio I Te Awamutu ma I’u ai ina tapunia nisi o faleoloa ma pisinisi ananafi, mulimuli ai asia Waiuku e se isi foi asiosio ma faaleagaina ai meatotino a le toatele o aiga

Na aafia foi ma se tasi o vaalele na faimalaga mai Ueligitone mo Hamiltone lea na toe suia e tulaueleele I Aukilani ina ua taia e le uila Ese mai I timuga mamafa ma asiosio, ripotia mai foi i Waikato faititili, ma ua taua mai ai e le vaaitau o uiga louloua ma fesuisuia’I nei o le tau o le a faaauau pea ma faasolo ina to’a I le amataga o Tesema