Ua toe feagai foi tagata faatau ma ni tulaga tau osofaiga i le mae’a o se faalavelave ua lipotia mai foi i Melepone i le itu i Matu i le po anapo.

Fai mai lipoti o loo faia nei le galuega suesue a leoleo ina ua maua ane ni lipoti o se tasi na osofaia foi i le taulaga faatau i Highpoint poo le ‘afa o le 7 i le afiafi ananafi.

Ua iai videos ua tuuina i upega tafailagi e faatatau i lenei mataupu ma ua vaaia ai le toaetle o ni tagata o felaga’i solo i le faatoa uma o se fusuaga.

E talitonu leoleo e toatasi se alii na tau upu ma isi alii e toafā i fafo ane o le shopping centre lea ma mafua ai ma se vevesi, fai mai na vaaia ai foi ma se auupega maai e ui e lei faaaogāina i le vevesi.

Na sola ese le tagata lea a o lei taunuu atu leoleo.

E leai se tasi na faamanu’alia ae fai mai faatoa tasi lea o le aso talu ona molia foi ni talavou se toalua na aafia foi i nisi faalavelave faapea i le taulaga faatau i Melton.

Puna o Faamatalaga: https://www.9news.com.au/national/highpoint-shopping-centre-assault-involving-edged-weapon-unfolds-at-melbourne-shopping-centre/0d205a74-3143-4a98-8da1-7f72efaa370d