Fai mai Korea i Saute ua fanaina ane e Korea i Matu se auupega o le missile agai i ogasami i Matu i Sasae o le atunuu.

Ua lipotia i le televise le faamatalaga a le Chief of Staff a Korea i Saute e faapea o le launch poo le fanaina o lea auupega sa faatino i le taeao analeila ae leai ni faamatalaga faaopoopo o faailoa ane.

Ua tulai mai lea tulaga i le mae’a o le aso e tasi talu ona faamata’u mai Korea i Matu i tulaga o le a iai e faailoa ai lo latou tetee i se mataupu ua faamatalaina ai se vaalele sipai a Amerika o loo iai ni ana gaioiga i se vaega e lalata atu i teritori o Korea i Matu.

E le o faasa’oina e Amerika ma Korea i Saute ia manatu faaalia o Korea i Matu ma ua unaia ia aua le oo i ni ituaiga gaioiga e faatupu ai le feitagai.