E 3,399 tagata fou ua aafia i le Koviti na lipotia i le vaiaso ua tuanai, e tusa ai ma lipoti a le soifua maloloina ananafi.
I lea lipoti o loo ta’ua mai ai foi isi tagata e toafitu ua maliliu e fesootai ma le Koviti.
O le 2,068 o tagata ua lipotia, o i latou ua toe maua i le vairusi.
O Canterbury le nuu aupito i tigaina e tusa ma faamaumauga, sosoo ai Capital and Coast, Waikato faapea ai ma Aukilani.
O le aofaiga o i latou ua lipotia e tusa ma le lipoti o ananafi, ua pa’ū pe a faatusa i le 4,042 tagata fou na ta’ua mai i le Aso Gafua o le vaiaso talu ai faapea ai ma le isi 14 o tagata na maliliu e fesootai ma le vairusi.
Ae i le faatusatusaga o tagata taofia i falemai ona o le Koviti, e lē o telē se suiga o lea lava e saofai i le 160 ma ono tupu.
