Lipotia mai ananafi cases fou faaopoopo e 4,841 i totonu o le atunuu e pei ona ta’ua mai e le matagaluega a le soifua maloloina.

O lea fuainumera na faamauina i totonu o le 24 itula, ma e 383 tagata e sau le lipoti ananafi o loo taofia i le falemai ona o le vairusi, ma o se siitaga e 21 mai le lipoti o le Aso Toonai.

O nei faamaumauga na maua mai i faaiuga o siaki PCR e 2133, ma le 8999 mai Rapid Antigen Tests i totonu o le 24 itula.
To’aiva tagata maliliu ma o i latou uma nei e mai le 60 tausaga faasolo i le 80 ma ona tupu, to’alima tamā ma tina to’afā.

Ua oo ai i le 1,149 tagata Kiwi ua maliliu ona o le faama’i.

Ae i lipoti o le Aso Toonai, e 6,369 cases fou faaopoopo i tua i le komiuniti.