Muamua atu i se lipoti o le taua i Gaza, o lea ua faailoa mai i le asō ua faasaoloto ane nisi na ave faapagota e le Hamas a o taofia ai lē tumau le taua mo le taimi nei

E toa 17 isi na faasaoloto ane, ma le isi toa 14 i le taeao analeila ae o le aso ananafi na faasaoloto ane ai foi isi. 

Fai mai e amata mai le 4 tausaga agai i le 84 tausaga le matutua o i latou ua faasaoloto mai ae na lipotia foi le faasaoloto atu o le isi vaega i le aso ananafi.

Faaopopo atu i lea tulaga ua faailoa foi le faasaoloto atu e Isaraelu o Palesitina sa o latou ave faamalosia foi.

O loo faia pea le galuega a mediators faavaomalo o le tau faaumiumi o le taimi e taofia ai osofaiga ae se’i faamae’a pea ona faasaoloto mai nai tagata o loo taofia uma ona o vesiga a le Hamas ma Isaraelu.

Ua lipotia mai foi le asia e le Palemia o Isaraelu, Benjamin Netanyahu o le fitafita a lona atunuu.