O le lipoti lata mai o le Koviti-19 i Ausetalia nei ua faailoa ai i Niu Sa Uelese e 9,471 isi tagata ua faamaonia le aafia i le konavairusi, 2,323 gasegase o le koviti o loo taofia i falema’i ma le to’a 69 i potu tigaina ma le to’afitu ua maliliu.
O Vitoria e to’atolu isi soifua ua ma’umau i le faama’i pei ona faamauina i le aso ananafi, e 773 tagata ua aafia i le koviti o loo taofia i falema’i ma le 50 i potu tigaina. E 7,678 isi tagata ua faamaonia le aafia mai Vitoria.
I Kuiniselani e 4,303 tagata ua faamaonia le aafia, 782 gasegase o le koviti o loo i maota gasegase ma le to’a 24 i potu tigaina. E le’i iai nisi na maliliu i le faama’i i Kuiniselani i le faai’uga o le vaiaso.
O le ACT e 616 isi cases fou o le koviti, 165 gasegase o le koviti o loo i falema’i ma le to’alua i potu tigaina, ma e leai foi se soifua o ma’umau.
