E 5,169 isi tagata ua faamaonia le aafia i le Koviti-19 i totonu o Niu Sila ma ua faamaonia mai lea e le matagaluega o le soifua mālōlōina.
E 599 gasegase o le koviti o loo taofia pea i falema’i, e 35 ua faaitiitia ai mai le aofai na iai ananafi. E to’a 11 o loo i potu tigaina. Ua faailoa foi e to’a 18 isi ua maliliu e iai sootaga i le koviti ma e mātele lava i le au matutua. O le to’afitu o i latou ia o le itupa o tamaitai ma le to’a 11 o alii.
Ua oo atu i le 1,705 le aofai o tagata ua maliliu e iai sootaga i le faama’i. O le taimi nei ua faamauina e 34,545 le aofai o tagata o loo aafia i le koviti i le atunuu atoa.
