Mai Gaza, o le osofaiga a Isaraelu i le aai o Jabalaya i se nofoaga o iai tagata sulufai ua lipotia mai ua toatele ua maliliu ai.

Fai mai le lipoti mai le matagaluega o le lotoifale i Gaza pe ā ma le 20 fale na faaleagaina i le osofaiga lea ma faamaonia mai foi i le falemai i lea faaitu le toatele o tagata na taunuu atu ma ua maliliu.

O loo lipotia e le 9News le faamatalaga mai le sooupu o le vaega o puipuiga a Isaraelu e faapea sa taulai a latou osofaiga i se tasi o taitai’au sinia a le Hamas.

O ata ua agiga i le initaneti ua iloa atu ai le tele o vaega ua faaleagaina o le auala aemaise o fale mai osofaiga ia Isaraelu ma ua ta’ua foi o le toatele o i latou ua maliliu e mafua mai i pomu o loo tu’i pomu ai e Isaraelu totonu o Gaza.