Ua talitonuina o se mataupu e aofia ai le tafanaina o ni fale i le itu i Saute o Aukilani mai se taavale i le faaiuga o le vaiaso, o se faalavelave e iai ni sootaga i se vesiga i le va o ni kegi. Lipotia i le Herald le talitonuga o faalavelave tutupu o loo fetaua’ina ai le tafanaina o se fale, e iai sootaga i se mataupu i le va o le kegi a le Killer Beez ma le Tribesmen ma e ono faifai tetele.
I tausaga ua tuanai e pei ona ta’ua i le lipoti a le NZ Herald, ua vaaia ai le agai ane i luga o magaala o vesiga i le va o kegi e le gata i Aukilani ae faapea foi i Northland. O le isi faalavelave aupito lata mai e aofia ai le tafanaina o se faamalama i se fale o se aiga I Papatoetoe, e leai se isi na faamanu’alia ai.
O le po foi o le asō sa na aafia ai foi se isi fale i Otara. O le po o le Aso Toonai e pei ona faailoa i le lipoti e tolu lelei faalavelave faaaogā ai ni fana i Red Hill, Mangere ma Flat Bush. O le afiafi o le Aso Gafua i Clayton Ave i Otara na tafanaina ai se fale ma e foliga e iai foi se sootaga ma se isi faalavelave tulai mai i Kaikohe.
Fai mai le National e lē o lava le malosiaga o loo tuuina e le malo i leoleo e taulai ai suesuega i kegi ma ia aveesea fana mai luga o alatetele.
Mafutaga a Alo ma Tama fanau o le Ulua’i la o le Talalelei, Metotisi i Saloga, Salelologa.
29 E faamanatu atu la tatou fonotaga i le Aso To’onai nei, aso 17 Me 2025 i le itula e
