Search
Search
Lakapi Samoa

Lei manuia taumafaiga a le Manu Samoa 7 i Vancouver

E lei manuia le taumafaiga  a le taitoafitu a le Manu Samoa i le vae o le taitofitu i Vancouver e pei ona faagasolo i le faaiuga o le vaiaso ae faamae’a i le Aso Gafua.

O Samoa sa finau mai i le Pool B ma le ‘au malosi mai Ausetalia, Falani ma USA.

E tasi le manumalo a le Manu i lana taaloga i le Pool lea sa ia fasi faamo’amo’a ai le ‘au a Ausetalia i le lana taaloga muamua i le 31 ‘ai a le Manu Samoa i le 7 a Ausetalia.

O lana taaloga lona lua ma Farani na faia’ina ai i le 40 Farani  le 7 a le Manu.

Ma lana taaloga mulimuli i le Pool sa toe malolo ai i le ‘au a USA, 21 i le 7 a le Manu Samoa, e ui i lea malolo i ana taaloga e lua ae sa maua lava le avanoa e agai ai i luga o le ipu autu i le sailiga o le siamupini.

O lona avanoa sa maua i le quarterfinal na faia’ina ai i le ‘au malosi mai Agentina i le 14 i le 12 a le Manu Samoa ma o se taaloga sa finau ai le Manu Samoa.

O le sailiga o le tulaga 6 ma le 7 i taaloga i Vancouver sa toe taalo ai foi ma Great Britain ma sa lē manuia foi lana finau i lea taaloga.

Ma o lea ua mae’a le isi vae o le taitoafitu o le lalolagi ma ua saofai mai nei Samoa i le tulaga 9 i le faasologa o ‘au taitasi.

O le siamupini na taalo ai le All Blacks ma Argentina ma ua toe manumalo ai Argentina i ‘au a alii ae o Niu Sila ua siamupini i ‘au a tamaitai.

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

Keep uptodate with Radio Samoa activity & promotion

* indicates required