Melbourne Covid-19

Leai seisi case fou i Melepone, tatala le vavao

O le a faamaea lava le lockdown poo le vavao a Vitoria e pei ona faatulaga I le po ananei. O lea ua faamaonia mai ele premier o Daniel Andrews lea faamatalaga.

E leai seisi tagata ua aafia poo se case fou ua toe maua mai I Melepone.

O le matagaluega o le soifua maloloina I Vitoria na o latou faamaonia mai I le aso e leai nisi cases fou I nofoaga faanofoesea atoa ai foi ma le komiuniti ma o se tali fiafia lea mo tagata uma i Melepone. Pe a male 39,258 siaki na faia.

E toa 25 o loo aafia I le koviti ile taimi nei I le setete ma o loo faanofoesea uma.E ui la ua faamatuu ese isi sa o le lockdown ae o loo unaia pea le faaaogaina masks poo talifofoga I totonu o fale.

O le a faataga nao le lima tagata e mafai ona asiasi I se aiga seia oo atu I le aso 26  o Fepuali, 20 tagata e faataga i faapotopotoga faalauaitele ae leai ni faatapulaa mo maliu ma faaipoipoga.

E lei faamautuina mai se aofai o tagata maimoa I le Australian Open o loo faagasolo pea ae ua faailoa e le premier e ui ua tatala le tele o mea ae ao lava I tagata uma ona faaeteete ma ia tausia pea tulafono masani o le faamai.Faafetaia e le premier le lata I le 40 afe o tagata na agai ane I nofoaga eseese mo le faia o siaki talu ona faalauiloa ane le lockdown

LAUILOA

Keep uptodate with Radio Samoa activity & promotion

* indicates required