E le o iai ni moliaga ua faia I le taimi nei e uiga I le faalavelave na tulai mai I le po anapo I Aukilani I Saute.
Ua faailoa I lipoti a le Herald ile taeao analeila o loo faia nei suesuega ae o se osofaiga na faia faaaoga ai se naifi tulou.
E toalua alii na auina atu I le falemai ona o manuaga mai lea aaupega ma o le faalavelave na tupu I Hutt Rd I Manurewa poo le ta o le 6 I le afiafi. O leisi alii pei ona lipotia na togafitia ma auina atu I le falemai I Middlemore e tigaina ona manuaga.
O leisi alii e feololo le tigaina o manuaga. O loo fesoasoani nei se tasi sa iai I le nofoaga na tupu ai I le faalavelve I le suesuega a leoleo o loo faia .
Fai mai leoleo I le pepa o faamatalaga e ui e lei faia ni moliaga I le taimi nei ae o loo faaauau pea suesuega ma faamautu ai le mafuaaga o lenei faalavelave.
