NZ note

Leai se siitaga o totogi mo tagata galulue a le malo o loo totogi maualuga

O le a leai se siitaga o totogi mo tagata faigaluega a le malo o loo totogi i le $100,000 agai i luga i le tausaga

O le tausaga talu ai na sau ai le faaiuga o le leai o se siitaga o totogi o tagata faigaluega uma a le malo seia aulia le masina fou

Peitai o lea ua faitau vaiaso uma le piriota na onosaia mai ai e i latou o loo ausia nei totogi maualuluga ao lea ua sau le suiga ananafi, e toe onosai mo le isi tolu tausaga

O le taofia o le siitaga o totogi o le au ta’i $100,000 agai i luga ua faia lea sei tau tuuitiiita mai ai aitalafu ona o le Koviti lea e faapea e silia ma le $100 piliona, ma o loo talia gata e le asosi o loo tutu mo tagata faigaluega a le malo lea faaiuga

Ao taofia ai siitaga mo totogi $100,000 agai luga i le tausaga, o loo mafai ona faia siitaga o i latou o loo mauaina le silia ma le $60,000 ma e i lalo mai o le $100,000 i tuutuuga faapitoa

Saunoa ai le minisita o galuega a le malo, Chris Hipkins, o lea o le a ave le siitaga ma i latou o loo totogi i lalo mai o le $60,000 i le tausaga, ma e tusa lea ma le 25% o tagata faigaluega a le malo

I le fesiligia ai o le minisita poo iai sona popolega I le ono agai atu o tagata totogi maualuluga a le malo i le vaega tumaoti poo le private sector, tali Hipkins, o la foi e leai ni siitaga o faia a le private sector latou

LAUILOA

Keep uptodate with Radio Samoa activity & promotion

* indicates required