E ui I le umi ona tatali o suesuega a le pulega o loo faia faaiuga o totogi o le palemia ma faipule, peitai o le faaiuga o le vaiaso talu ai ua faalauiloa aloaia mai ai le leai o se siitaga mo le isi tolu tausaga
O le tamaitai palemia, Jacinda Ardern o le a faatumauina lona totogi I le $471,049 I le tausaga, a’o Judith Collins, taitai o le National I le $296,007
Minisita faatumau I le $217,676, backbench ma faipule o itu agai I lalo mai o le $164,000
O le faaiuga lenei a le pulega poo le Remuneration Authority ua faia ona o aafiaga o le tamaoaiga na sau ma le Koviti, peitai e ono toe teuteu lenei tulafono e le I uma le tolu tausaga fua I le toe vave faaleleia o le tamaoaiga o le atunuu O le totogi nei o faipule na iai I le 2017 ma e foliga mai afai ae faatumauina pea e aunoa ma le toe iloilo, o lona uiga o tupe maua nei mo lenei paeaiga seia oo lava I le isi faigapalota
