O se mafui’e e tusa lona malosi ma le 5.4 na lūlū i le itulagi poo le region i Tonga na faalogoina e le atunuu i le itula e 4:25 o le afiafi o le Aso Lua 25 o Ianuari 2022.
Faamaonia mai e le Ofisa o le Vaai Tau a le atunuu Mulinuu e leai se lapataiga o se tsunami mo le atunuu talu mai lea mafui’e. O se ripoti atoa o lenei mafuie ua faamauina ai:
MALOSI/EQ.MAG:5.4
LOLOTO/DEPTH:10.0km
ITULAGI/REGION:TONGA
DATE/TIME:2022-01-25 16:25 pm (taimi Samoa)
DIST.FROM APIA:315 km – South-West, Saute Sisifo
Ua faamauina ai foi e le Ofisa o Vaai Tau le aofaiga o mafuie na aafia ai Samoa i le tausaga atoa. I totonu o le 24 itula e 1 le mafuie na lūlū i le atunuu, e 6 mafuie na aafia ai le atunuu i totonu o le 30 aso ma le 74 le aofaiga atoa o nei faalavelave faalenatura o mafui’e na faalogoina e Samoa i totonu o le 365 aso.
