Ua faamaonia mai e le sui o le aufaigaluega a le Vaaitau a le atunuu e leai se lapataiga mo se afā e aafia ai le atunuu i le isi 2 vaiaso o i luma.
O le faaiuga o le vaiaso na faalauiloa ai e le Pulega o Vaaitau i lalo o le Matagaluega o Puanao Faalenatura ma le Siosiomaga se faasilasilaga mo le nofouta o le atunuu ina ua tele ni feau tusitusia ma ni valaau mai le atunuu e fesiligia ai pe ono aafia Samoa i ni matagi malolosi i lenei tausaga.
O lea faasilasilaga e faapea “Talu ai ona o le faatupulaia o le mamalu o le atunuu o loo valaau mai o lea e fautuaina le mamalu lautele o Samoa e leai se matagi afā e o o afua mai uiga loulouā o le tau e aafia ma ono agai mai i luga i le atunuu i le lua vaiaso o muamua”.
O loo faaauau pea ripoti ma vaai toto’a le Vaai Tau i tulaga o savili malolosi ma timuga ma ua fautuaina ai foi ma lapatai le atunuu i tulaga nei ae le gata i lea o le iai o ni lologa i nofoaga maualalalo.
Faailoa foi e le Ofisa o le Vaaitau o le tele o ripoti lata mai poo updates o le a maua i luga o el upega tafailagi a lea Matagaluega ma o loo iai faamaumauga eseese i tulaga o fesuiaiga o le tau mai lea taimi i lea taimi aua lava le
logoina o le atunuu mo le nofo silafia ma nofo sau Iuni.
