E foliga mai e le o iai lava se tonu mautu ile mataupu ile va o le faigamalo a Niu Sau Uelese ma le Iuni o loo tulai mo tagata faigaluega I auaunaga tau femalagaaiga lautele e aofia ai trains ma pasi. Ole aso sa faia ai leisi fonotaga ile va o itu e lua ise tulaga o le a iai le feoai o trains ma pasi ile maea ai o le faaletonu na aliae mai I le aso ananafi.
Ua lipotia e le SBS ile aso pe a ma le itula na faia ai le fonotaga ae le o iai lava se maliega mautu ua faailoa faalauaitele mai. Talu mai ona le toe feoai trains ma pasi ile aso ananafi ua aliae ai ma seisi faafitauli I le matuai poloka o auala ele gata ile agai ile taulaga I Sini ae faapea foi isi vaega o le atunuu ina ua matele ina faaaoga taavale a tagata e faimalaga ai I galuega ma isi fuafuaga.
O le tulaga foi lea na iai le taeao analeila sa vaaia foi le poloka ona e moni ua toe faaauau le feoai o trains ma pasi ae o loo ise tulaga faatapulaa ma lapataia mai ia silafia e ono iai suiga I faigamalaga ona o le tulaga e pei ona iai le mataupu I le va o le Iuni ma le malo.
O loo taua o taeao o le a toe faia ai seisi foi feiloaiga.
